La Svizra dat dus ulteriurs gieus da qualificaziun per l'EURO 2017 en l'Ollanda. Venderdi dat la Svizra ordaifer encunter l'Irlanda dal nord, mardi lura a chasa encunter la Tschechia. Ils emprims dus gieus da qualificaziun ha la Svizra gudagnà cler e bain cun 3:0 encunter l'Italia e cun 4:0 encunter la Georgia.
audio
Saira: Seraina Friedli è ina candidata per l'equipa naziunala
ord Actualitad dals 27.11.2015.
laschar ir. Durada: 1 minuta 47 Secundas.
Cun da quels stupents resultats ha la trenadra naziunala Martina Voss-Tecklenburg strusch motivs per midar sia equipa. Mo la trenadra mira era en l'avegnir e tschertga candidatas pussaivlas per pli tard. Ina da quellas è Seraina Friedli. Per il proxim camp da trenament da la naziunala il schaner è Friedli era nominada. Bunas perspectivas per daventar ina giada giugadra naziunala.