Suenter ses accident avant in mais e mez a la concurrenza da siglir a Bischofshofen, n’è Ammann betg pli tranter ils top 10 dal mund. Perquai sto el prender part questa saira a la qualificaziun per la concurrenza sin la schanza pitschna ch’è lura sonda.
Las ultimas emnas è Ammann sa preparà tut solitari sin il campiunadi mundial. Naginas intervistas, naginas fotos ed era nagin ch’ha astgà filmar el durant la preparaziun.