Skicross: Victoria per il grischun Armin Niederer

Il skiunz Armin Niederer po festivar sia terza victoria en la cuppa mundiala da skicross.

Armin Niederer che ha gudagnà la cursa da skicross a Mals. Bild in Lightbox öffnen.

Legenda da maletgs: Armin Niederer ha gudagnà la cursa da skicross a Mals. Keystone

Il Grischun Armin Niederer ha gudagnà la concurrenza a Mals en l'Italia avant il canadais Brady Leman ed il franzos Jean-Frédéric Chapuis, ch'è il leader en il classament general dal cup mundial. Enfin il davos terz dal percurs era Niederer anc sin segund plaz davos Chapuis. El ha lura pudì surpassar il Franzos ed uschia gudagnar la cursa. Sco segund meglier Svizzer è Jonas Lenherr vegnì sisavel. Alex Fiva e Marc Bischofberger èn dads or en ils quartfinals.
Tar las dunnas ha Fanny Smith manchentà mo per pauc il podest ed è vegnida quarta. Tar la davosa cursa n'è ella betg partida bain ed ha betg pli pudì curreger il sbagl.