Naziunal/Internaziunal - Staffetta da dunnas è 5avla
Ajla del Ponte, Sarah Atcho, Mujinga Kambundji e Salomé Kora èn curridas be in tschientavel pli plaunas ch'il record svizzer. Cun in temp da 42,51 secundas èn ellas vegnidas 5avlas al campiunadi mundial a Londra.
Las Svizras en la staffetta da quatter giadas 100 meters èn vegnidas tschintgavlas en il final al campiunadi mundial a Londra. Las quatter svizzras, Ajla del Ponte, Sarah Atcho, Mujinga Kambundji e Salomé Kora èn cuntentas cun questa prestaziun.
Las americanas han gudagnà e la gronda britannia è ida per argient. Bronz han gudagnà las jamaicanas.