Al turnier da tennis da las junioras U18 a Claustra ha la Grischuna Simona Waltert cuntanschì la 3. runda. Ella ha gudagnà cunter la Taliana Lisa Piccinetti en 3 sets cun 6:1, 5:7 e 6:3.
Tar il turnier da las junioras da Wimbledon è Simona Waltert da Cuira vegnida enfin il mezfinal . La giuvna da 16 onns vala uschia sco ina da las favuritas a Claustra. Sin il palpiri è Simona Waltert il numer trais dal turnier. Bun pussibel ch’ella gioga anc la fin d’emna, vul dir ch’ella dumogna il pass en ils mezfinals.
RR novitads 20:00