En l'otgavel final da la Championsleague ha Porto pers a chasa cunter Juventus Turin cun 0:2. Porto ha stuì giugar durant passa in'ura mo cun 10 umens pervi d'ina carta cotschna cunter Telles.
Tar Juve è il Svizzer Stephan Lichtsteiner puspè stà da la partida. El ha dentant survegnì ina carta melna ed è vegnì midà ora suenter 73 minutas.
En l'auter gieu da questa saira ha Sevilla gudagnà a chasa cunter il campiun englais Leicester City cun 2:1.
Ils gieus da return èn ils 14 da mars.
RR novitads 23.00