Cuira 97 cun bleras midadas en la nova stagiun

Durant la stagiun passada ha il club da ballape mussà duas fatschas.L'atun è stà fitg ferm, la primavaira n’ han ils resultats betg pli constà. En la nova stagiun parta Cuira 97 cun in’equipa modifitgada.

foto d'equipa Cuira 97 Bild in Lightbox öffnen.

Legenda da maletgs: L’ equipa da Cuira 97 cumenza mardi la nova stagiun en la segunda liga interregiunala. MAD

En l’equipa da Cuira 97 hai dà bleras midadas persunalas. Il club cumenzà la stagiun cun 12 novs giugaders. Quai è tenor il ballapedist sursilvan da Cuira, Carlo Bearth, er la raschun ch’ins n’haja anc betg giugà cun success ils gieus da test. Enfin ils gieus da campiunadi sajan els lura schon pronts.

purtret Carlo Bearth Avrir maletg en lightbox.

Legenda da maletgs: Carlo Bearth è giugader central tar Cuira 97. RTR

Finamira segirar la liga actuala

Carlo Bearth auda savens en il conturn dal club ch’i vegnia discurrì da l’emprima liga. L’equipa sappia dentant bain che quai na saja per il mument betg realistic.

Perquai saja l’emprima finamira da segirar cunter la relegaziun. Suenter possian ins lura s’orientar pli ensi en la tabella.

La proxima finamira saja da cuntanscher in plaz tranter ils emprims 6.

L’emprim gieu dat Cuira 97 mardi, ils 15 d'avust 2017 ordaifer cunter Linth 04.

Sportissimo / 17:00