2. liga: CDH Engiadina gudogna cunter HC Ascona

La partenza en la runda da relegaziun da la 2. liga è reussida al CDH Engiadina. L'emprim gieu encunter il HC Ascona gudognan els cun 6:4. Il gol decisiv e crudà pir 17 secundas avant la fin cura che Ascona ha prendì ora il goli.

Ils giugaders davant il gol dals Engiadinais. Bild in Lightbox öffnen.

Legenda da maletgs: Ils giugaders davant il gol dals Engiadinais. RTR, G. Luzzi

Igl è stà da l'entschatta davent in gieu gnervus. Tuttas dus squadras han giugà cun ina malsegirezza. Il prim terz va a favur dal CDH Engiadina. Suenter 20 minutas stevi 2:1.

Segund terz

Ils segund terz è Ascona stad cler la meglra squadra ed ha pudì volver la partida. Uschia manava la squadra tessinaisa suenter 40 minutas 3:2.

Il terz decisiv

L'ultim terz è lura l'Engiadina sa svegliada e pudì volver la partida. En la 54avla minuta è crudà il 5:4. Ma la tensiun è restada fin curt avant la fin. Il HC Ascona ha empruvà tut, prendì ora il goli ed il CdH Engiadina ha pudì profitar da questa situaziun – curt avant la fin han els tutgà en il gol vid ed uschia fatg il gol decisiv da 6:4.

RR actualitad 06:00