Tir da Chalavaina – unic tir istoric en il Grischun

Passa 300 tregantas e tregants participeschan al tir da Chalavaina en Val Müstair.

Laschar ir video «Tir da Chalavaina en Val Müstair»

Tir da Chalavaina en Val Müstair

3:34 min, Telesguard dals 22.5.2017

Cun la festa da commemoraziun 500 onns guerra da la Chalavaina l’onn 1999 è il tir da Chalavaina arrivà l’emprima giada en Val Müstair. L’idea era lura d'organisar il tir en in turnus regular. Quai n'è betg grategià. Ma ils onns 2006 e 2014 hai anc dà la concurrenza dal tir da Chalavaina en Val Müstair.

A partir d'uss duai quai esser auter. Ensemen cun Tavau organisescha la Val Müstair alternand il tir da Chalavaina.

300 tiradurs da l'entira Svizra en Val Müstair

Per l’ediziun da quest onn han passa 300 tiraduras e tiradurs da l’entira Svizra s’annunzià per il tir istoric. En gruppas da sis sa participeschan els a la festa. Era sche mintgin tira per sasez, il resultat ed il spiert da gruppa èn fitg impurtants.

RR actualitad 17:00