Siglir tar il cuntegn

Header

cuntegn

Regiunal US Schluein Glion dovra urgentamain puncts

Suenter bunamain 5 mais pausa d’enviern vegni puspè serius per il meglier club da ballape en Surselva – l’US Schluein Glion.

L’equipa dal trenader Cyrille Belinga che sa chatta sut il stritg en la segunda liga regiunala sto per tut pretsch gudagnar puncts questa primavaira per er pudair giugar la proxima stagiun en questa segunda liga.

En l’emprima mesadad dal campiunadi l’atun ha Schluein Glion gudagnà sulet dus da nov gieus. Er la differenza da gols na tschantscha betg per ils Sursilvans. Quai n’è dentant betg insatge nov per Schluein Glion. Gia la stagiun passada ha l’equipa che dat ses gieus da chasa en la nov’arena a Crap Gries stuì prender suenter puncts la primavaira.

Ils Sursilvans èn pronts

Tenor l’attatgader Gabriel Derungs saja l’equipa pronta per la runda da primavaira. La pausa d’enviern haja fatg bain ed ussa tuts che sajan puspè motivads. Pudì tancar confidenza ha l’US Schluein Glion avant in’emna cun cuntanscher il final da la cuppa grischuna. Ils Sursilvans han battì en il mezfinal l’equipa da Domat che dat en terza liga.

En l’emprim gieu da la runda da primavaira frunta l’US Schluein Glion la dumengia, ils 2 d’avrigl, ordaifer sin Montlingen. Il gieu cumenza a las 14:00.

RR Sportissimo 17:00

Artitgels legids il pli savens