Vital Albin è sa qualifitgà per ils campiunadis mundials U23

Per l’emprima giada è Vital Albin da Tersnaus da la partida a campiunadis mundials U23. Il ciclist da Tersnaus cumbatta per il titel da campiun en l'Australia.

Vital Albin è da la partida als campiunadis mundials U23 en l'Australia. Bild in Lightbox öffnen.

Legenda da maletgs: Vital Albin è da la partida als campiunadis mundials U23 en l'Australia. RTR, Andreas Wieland

Per esser da la partida als campiunadis mundials da mountainbike l’entschatta da settember a Cairns en l'Australia pretenda la federaziun svizra da ciclissem ina plazza da top 15. Cun la 11avla plazza tar la cuppa mundiala U23 en il Canada ha Vital Albin cuntanschi questa marca. Per l’emprima giada è Albin da la partida al campiunadi mundial da la pli auta classa suenter l’elita.

Il ciclist da Tersnaus è gia sa participà a campiunadis mundials, dentant mo tar ils juniors. A Nove Mesto en la Tschechia la stagiun passada è Albin vegni vicecampiun mundial.

Quest on en la classa U23 vegn quai ad esser fitg difficil. Albin ha dentant gia mussà ch’el po esser spert er en la categoria U23. La 11avla plazza a Mont-Saint-Anne en il Canada è stà sia meglra rangaziun fin qua.

RR actualitad 07:00