Il buttun lascha ir electricitad tras ils cabels e tschenta en la glisch, uschia ch'jau am ves tras la reflexiun en il spievel. E la forza da gravitaziun tira vi dal satgados ch'el paisa memia bler – quai intgins exempels da fenomens fisics en noss mintgadi.
Sfundra en il mund fascinant da la scienza cun nossa seria che piglia tai sin in viadi plain smirvegls e scuvertas – nua che ti daventas sez in perscrutader. Ta lascha inspirar d'experiments e scuvra las leschas da la natira.
Armin Duff, manader d'exposiziun e didactica en il Technorama, mussa a tai co che ti pos far experiments captivants a chasa.
Experiment 1: Conservaziun d'impuls – hä?
En quest experiment vesas co che la forza – l'impuls – d'ina balla vegn transferida sin in auter object e che quel surpiglia l'impuls da la balla.
- Per experimentar a chasa pos prender ina balla ed in object che ti pos laschar sgular.
Experiment 2: Dretg e sanester è davant e davos
In spievel ha probabel mintgin a chasa. Dretg è sanester e sanester è dretg. Cler! Ma quai n'è anc betg tut …
- Per experimentar a chasa dovras nagut dapli che in spievel u in'autra surfatscha che reflectescha.
Experiment 3: La grondezza en il spievel
Mia distanza tar il spievel è la medema distanza sco dal spievel enavos tar mai – duas giadas la medema via. Quai pussibilitescha da vesair mes entir corp sin in spievel ch'ha la mesa grondezza sco jau. Ma declerà pli chapaivel èsi en il video.
- Per experimentar a chasa dovras in spievel ed in au spazi.
Experiment 4: 1 chau, 2 egls e 3 dimensiuns
Cun dus egls avain duas perspectivas sin il mund. Quai gida da stimar distanzas ed insumma da vesair tge ch'è davant e tge ch'è davos.
- Per experimentar a chasa stos simplamain serrar il egl sanester u quel dretg ed empruvar da tutgar en chaussas en differents lieus.
Experiment 5: Davant u davos? – Pitschna illusiun optica
Nus essan disads da savair tge ch'è davant e tge ch'è davos – grazia a noss dus egls. Ma mintgatant poi dar la situaziun che noss tscharvè scumbiglia quellas.
- Per experimentar a chasa dovras in giatter da fildarom dad ina butteglia da champagner u in auter construct tridimensiunal da fildarom.
Experiment 6: Duas stgatlas pli levas che be ina
Cler che dus medems objects han la paisa dubla dad in object. Perquai che quai è uschè cler pudain nus cugliunar il tscharvè cun midar be intgins detagls.
- Per experimentar a chasa dovras duas medemas stgatlas (p.ex. stgatlas da zulprins), ina da quella senza cuntegn.
