Siglir tar il cuntegn

Archivar recumonda «All you need is love» - da l’amur e maridaglias

Il mais da matg è il mais da l’amur. Il mais nua che blers s’inamureschan. Pli tard datti magari schizunt maridaglias ord quellas amurs da primavaira. Per exempel eran purs rumantschs ils onns 80 a la tschertga da dunnas sur cunfin.

Liebe
Legenda: L'amur è universala Ils mais da matg - il mais da l'amur Keystone

Senza l’amur fiss tut adumbatten sans ils leger en la bibla. Ils Beatles chantavan «All you need ist love». Ed il Franzos discurran d’ina «amour fou» cura che la charezza surpassa ina tscherta intensitad.

All you need is love - love is all you need!
Autur: The Beatles

L’amur ha uschè bleras varts ch’ella n’è bunamain nundescrivibla cun tut sias variaziuns e fassettas. En la litteratura exista per tut il mund bler material sur da l’amur. Quai che croda en egl: en Rumantschia vegn l'amur tematisada mo darar.

La Televisiun Rumantscha ha adina puspè filmà Rumantschs ch'han chattà l'amur sur cunfin. La chantadura Corin Curschellas ha chattà ina tutt'autra amur: l'amur per la chanzun rumantscha.

Pur 'ledi' tschertga…

Differents aspects en connex cun l’amur e maridaglias era vegnidas tematisads da sias uras en il Radio Rumantsch. Per exempel purs ch’avevan miseria ils onns 80 da chattar dunnas. Giuvens che vulevan maridar ils onns 90 mo civil senza la baselgia e lu quai che capita adina puspè: Rumantschs che vegnan tutgads dal paliet da l’amur sur cunfin.