Las vacanzas da stad èn a fin. Per scolars pitschens e gronds cumenza puspè la scola. Quai ha fatg endament a l’archivar dad RTR la rolla ch’il Radio rumantsch giugava ina giada per la scolaziun. Sco exempel, dal 1955 fin 1991 èn vegnidas emessas 435 emissiuns dal “Radioscola” ed i vegniva tractà in zunt vast spectrum da tematicas.
En il decurs dals onns è sa midada la moda e maniera da tractar il rumantsch en il radio. I dat en egl – u plitost en l'ureglia – co auturs ed auturas d' emissiuns davart il lungatg na sa schenavan betg d'instruir avertamain co e cun tge pleds ch'ins discurra correctamain. Pli tard è quai sa midà vers ina tenuta pli neutrala, ina tenuta d’observar, d’analisar e discutar, senza l’ambiziun dad instruir.
Nus avain rimnà en l’archiv in dumber d’exempels nua ch’il radio s’occupa explicitamain da la lingua. Observai tge tendenzas e svilups che vegnan constatads e co ins giuditgescha quels durant ils differents temps.
Memia blers pleds tudestgs fan quità. Instrucziuns co discurrer correctamain.
Contacts cun ils auters idioms ed il tudestg
Tista Murk: purist, provocatur e promotur da l’avischinaziun interrumantscha
La lingua d’ozendi e dals giuvens sut la marella: midadas tar il vocabulari e la structura
In curs da lingua dal Radio rumantsch: Rumantsch Grischun per la Berna federala (2006)
E la finala in zic propaganda per la lingua ed RTR en ina (2003)
.
