Dad ovs, lieurs e giaglinas

Per Pasca datti bleras tradiziuns pauc religiusas – sco per exempel smatgar e rudlar ovs ubain era tschertgar lieurs. RTR sa fatschenta onn per onn cun Pasca e sias tradiziuns e lur derivanza. L’archivar è sa concentrà quest onn sin lieurs, giaglinas ed ovs ed ha chattà bain inqual ivetta.

Leivra da Pasqua - Lieur da Pasca

3:35 min, L'archivar recumonda dals 12.4.2004

«Leivra da Pasqua»

La gronda surpraisa da la retschertga per material da Pasca en l’archiv è stada che l’emprim videoclip rumantsch da musica è deditgà uschè da dir a la «Leivra da Pasqua».


Preparativas per Pasca en la scolina da Rueun

4:41 min, L'archivar recumonda dals 27.3.1994

Scolarets e preparativas per Pasca

Ils ovs da Pasca, danunder ch’els vegnan, e co els gustan – quai è stà 1994 il tema da la scolina da Rueun. Ils uffants èn s’engaschads cun interess e plaschair.


Da la giaglina sin maisa ed en il magun - ubain era betg!

Las giaglinas giogan ina gronda rolla da Pasca. Per la redacziun da la Televisiun Rumantscha raschun avunda per guardar, sch’ellas èn era cuntentas cun lur rolla. Ch'ils ovs sco quai che las giaglinas ovan els – alvs e brins – na fan gronda parita sin la maisa da solver è evidaint. Perquai vegnan els colurads per Pasca. Qua datti differentas metodas da far quai – individual ubain industrial. «Cun maglia na duess ins betg far termagls» - da Pasca na para quella regla betg da valair.
E gea: Ils ovs na pon ins betg mo cuir, colurar e magliar cotgs. Per Pasca datti aposta recepts.

Battaporte ed ils ovs

«L’öv nun es raduond» è stà il titel dal Battaporta dals 26-03-1986. Cun in surrir emprova l’autur Arnold Rauch da far urden cun cardientschas blauas en connex cun l’ov. Ins vegn ad udir tranter auter metodas, co ch’ins po far che l’ov stat agrad si. Ins dastgar rir.

(Per raschuns da dretg deplorablamain senza musica)

RR actualitad 11:00