Jau vegn d'ina famiglia da chatschaders
Dunnas che van a chatscha en il Grischun na datti betg bleras. RTR ha adina puspè chattà chatschadras ed era accumpagnà ellas a la chatscha. Uschia ha il Telesguard passentà 1996 in di cun Heidi Ardüser. 2003 èn 4 chatschadras stadas en il focus dals Cuntrasts. 2009 ha il Telesguard accumpagnà Lorena Grond, da lezzas uras la pli giuvna chatschadra da la Val Müstair, davent da preparar la marenda la damaun sur girar atras il guaud fin al return la saira.
En questa chamona na vegni betg ditg manzegnas
Tgi n'enconuscha betg las istorgias da las bravuras dals chatschaders? A la maisa radunda vul mintga chatschader avair sajettà il pli grond tschierv. I dat schizunt chatschaders ch'han sajettà dus portgs selvadis cun ina suletta patrona. Tge è vair e tge inventà, adina n'è quai betg propi uschè simpel d'eruir. 2007 ha il Telesguard laschà raquintar chatschadras e chatschadras lur istorgias. Tge ch'è vair e tge betg – quai sto mintgina e mintgin guardar sez.
Far sez la muniziun da chatscha n'è betg in grond problem.
La muniziun, la patrona da chatscha è adina puspè in tema tar RTR. Saja quai cun declerar co che la muniziun funcziuna – quai ha il Minisguard fatg il 2012. Saja quai cun mussar chatschaders che fan sezs lur muniziun ubain la fabrica che producescha muniziun per la chatscha grischuna.
La chatscha muventa tuts
L'archivar è era gia sa fatschentà l'onn passà da las contribuziuns da chatscha ch'èn en las profunditads da l'archiv.
RR actualitad 11:00