Siglir tar il cuntegn
cuntegn

Archivar recumonda Golf – in sport elitar duai vegnir popular

En il Grischun ha il turissem d’enviern ditg dominà. In turissem da stad rentabel resta ina sfida. Uschia han ins er scuvert il sport da golf. Durant ils onns 80/90 èn naschids divers projects per novas plazzas da golf. Documents ord l'archiv dad RTR dattan perditga da plans e cuntraversas.

Golf alpin
Legenda: Golf alpin RTR

En blers lieus dal Grischun ha il turissem d’enviern ditg dominà quel da stad. El ha procurà per las grondas renditas. In turissem da stad rentabel resta ina sfida permanenta per ils turistichers. A la tschertga da novas purschidas per giasts pli numerus han ins scuvert er il golf, in gieu tradiziunalmain associà cun l’auta societad, glieud ritga e VIPs.

Ils onns 80/90 sa manifestescha il trend vers la popularisaziun. Er en il Grischun n’han ins betg spitgà ditg cun sviluppar projects per novas plazzas da golf .

Las cuntraversas eran programmadas pervi da considerabel terren necessari, preoccupaziun per il puresser, creschenta sensibilisaziun ecologica e l’image elitar da quest sport.

En l’archiv dad RTR chattain nus divers documents audio e video che dattan perditga da la promoziun e progressiun dal golf en nossas cuntradas.

Ils lieus

L'Engiadin'Ota ha preparà la via - l'istorgia dal golf en il Grischun

Turissem da golf è turissem da qualited.
Autur: Claudio ChiognaDirectur Societad da turissem Engiadin'Ota

Projects per novas plazzas da golf 1988 - 2000

Ils projects Flem e Sursaissa n'en la finala betg vegnids realisads.

Golf en il Grischun l'onn 2000

Legenda: Guardar il video Telesguard - 24-03-2000. Durada 02:53 minutas.
Or da L'archivar recumonda dals 24.03.2000.

Rentabilitad e persistenza: ina sfida

Legenda: Guardar il video Telesguard - 20-06-2005. Durada 03:28 minutas.
Or da L'archivar recumonda dals 20.06.2005.

Giugaders e giugadras da golf

Co vegnir admess en il circul dals golfists?

Legenda: Guardar il video Svizra_Rumantscha - 05-10-1997. Durada 06:00 minutas.
Or da L'archivar recumonda dals 05.10.1997.
L'etichetta ei in auter plaid per reglas ch'ei drova per dar golf.
Autur: Alois VinzensClub da golf Domat

Ina giuvna Sursilvana mussa e declera ses hobi golf

Legenda: Guardar il video Minisguard - 08-06-2013. Durada 03:01 minutas.
Or da L'archivar recumonda dals 08.06.2013.