Siglir tar il cuntegn
Inhalt

Archivar recumonda Golf spezial

Il sport da golf è vegnì adina pli popular ils ultims decennis. Quai ha er dà curaschi e tschaffen dad experimentar cun novas furmas e cundiziuns divertentas da dar golf. En l’archiv RTR chattain nus varsaquantas curiusitads e spezialitads en connex cun golf.

Il sport da golf è vegnì adina pli popular ils ultims decennis. Quai ha er dà curaschi e tschaffen dad experimentar cun novas furmas e cundiziuns divertentas da dar golf. En l’archiv RTR chattain nus varsaquantas curiusitads e spezialitads en connex cun golf.

Dovri exnum ina plazza per dar golf?

Avant 2009 na devi a Breil anc nagina plazza da golf. Mo ins aveva il lai ed ideas ...

Legende: Video Golf cun trair en il lai da Breil - Telesguard - 31-08-1998 abspielen. Laufzeit 03:24 Minuten.
Or da L'archivar recumonda dals 31.08.1998.

Sulegl, aura da stad? - I va er autramain.

Per carmalar turists dovri attracziuns, chaussas nunusitadas. Mintgatant tanschi da simplamain metter l’usità sutsura . Uschia po il “green” midar er tar il “white”.

Giugaders per la plazza futura

A Domat na han ins betg mo decidì e planisà per ina plazza da golf resch nova. Na, ins ha er pensà als giugaders futurs. Sin in implant anc provisoric ha in e scadin pudì temporarmain emprender u exercitar, e quai per paucs raps e senza commembranza.

Legende: Video Golf provisoric a Domat - Telesguard - 22-04-1994 abspielen. Laufzeit 01:02 Minuten.
Or da L'archivar recumonda dals 22.04.1994.

Buna erva da la dretga semenza per la plazza a Zuoz

Il clima alpin da l’Engiadin’Ota, las grondas differenzas da temperatura tranter di e notg e primavaira e atun, pretendan in recept da semenza tut aparti e buna tgira per in pastget tenor las normas.

Legende: Video Erva speziala per il green a Zuoz - Telesguard - 25-06-2002 abspielen. Laufzeit 02:04 Minuten.
Or da L'archivar recumonda dals 25.06.2002.

E mintgatant inqual na sa tegna betg a las reglas dal "green"...

I n’è numnadamain betg lubì da chavar per coss, da rimnar e zuppentar ballas e da prender dimora en ina fora.