Siglir tar il cuntegn

Header

Navigaziun

cuntegn

L'archivar recumonda Il bun pastur da noss temp

En la Bibla stat il pastur adina per il nurser. La cultura cristiana ha conferì al nurser statura e privilegis tut aparti. Uschia survivan magari tscherts clischés. Co statti ozendi cun la lavur dal nurser en nossas cuntradas? En l’archiv dad RTR chattain nus invistas en la realitad odierna.

In Balcun tort dal 1966 preschenta anc in maletg detg classic dal nurser. In um d'ina tscherta vegliadetgna, corpulent, probablamain pur. El viva cun sia muntanera en perfetga solitariadad senza nagin confort.

Legenda: Guardar il video Muntanera da nursas sin l'alp, Il Balcun tort 23-01-1966. Durada 01:56 minutas.
Or da L'archivar recumonda dals 23.01.1966.

Ozendi fan savens giuvens il nurser u la nursera. Betg darar han els ina furmaziun superiura e fan quella lavur la stad per cumpensar in'activitad uschiglio abstracta. Tge motivescha e fascinescha els ed ellas? Co vegn ins a frida cun stentas e sfidas?

Silvia Schlegel, scolasta da dissegn, e Leo Tuor, litterat, s'expriman:

Il chaun da protecziun, in gidanter oramai indispensabel

Avant in pèr decennis eran ils quitads principals dal nurser anc malsognas, nursas persas u idas da la blaisa giu. Dapi in pèr onns èn l'urs ed il luf da return en nossas cuntradas. Chauns han da vegl ennà accumpagnà nursers e pasturs. Oz è dentant necessari in trenament spezial per buns chauns da protecziun che na tementan era betg ils viandants.

Privel da l'urs en Val Müstair

Legenda: Guardar il video Protecziun cunter l'urs en Val Müstair - Telesguard 11-05-2006. Durada 03:34 minutas.
Or da L'archivar recumonda dals 11.05.2006.

Privel da lufs a Domat e sin il Calanda

Chauns ed umans ston emprender

Chauns da protecziun emprendan lur funcziun, ma er passants e viandants duain savair co sa cumportar envers els.

Reto Pfister maina ina scola per chauns da protecziun a Schlans

Legenda: Guardar il video Scola per chauns da protecziun a Schlans - Telesguard 17-09-2014. Durada 02:55 minutas.
Or da L'archivar recumonda dals 17.09.2014.

Jachen Andri Planta instruescha turists en Val Müstair co sa cumportar endretg

Legenda: Guardar il video Chauns pasturs da protecziun e viandants - Telesguard 07-07-2007. Durada 03:33 minutas.
Or da L'archivar recumonda dals 07.07.2007.