Siglir tar il cuntegn
Inhalt

Archivar recumonda Il cor da la Viafier retica: il tunnel da l'Alvra

El vala sco il cor da la Viafier retica: il tunnel da l’Alvra che collia il Grischun dal nord cun il Grischun dal sid. L’avertura dal tunnel è stada l’onn 1903. Pir bunamain 100 onns pli tard hai dà ina segunda colliaziun nord-sid cun il tunnel dal Vereina.

Las exchavaziuns difficilas per l’emprim tunnel da l’Alvra.
Legenda: Las exchavaziuns difficilas avant 100 onns per l’emprim tunnel da l’Alvra. RTR

Tunnel d’Alvra 75 onns – il Radio Rumantsch rapporta

La Viafier retica ha avert il 1889 sia emprima lingia da tren sin il tschancun tranter Landquart e Claustra. Gia 4 onns pli tard, il 1903, maina la viafier cun la lingia da l’Alvra en l’Engiadina. 1978 po il tunnel d’Alvra festivar 75 onns. Il Radio Rumantsch cun il reporter Ernst Denoth ha rapportà da la festa.

La Viafier retica ha ina gronda impurtanza economica per l’Engiadina.
Autur: Giuseppe LazzariniPresident communal da Samedan

Tunnel d’Alvra 100 onns – la Televisiun Rumantscha rapporta

La lingia da tren da l’Alvra è vegnida construida en 4 onns e vala anc oz tar ils inschigners sco capodovra. Da quai da 4'000 lavurers han gidà da construir la lingia da tren tras las Alps. Il Telesguard ha rapportà il 2002 dal giubileum da 100 onns dal tunnel da l’Alvra.

Legende: Video Tunnel d’Alvra 100 onns abspielen. Laufzeit 01:40 Minuten.
Or da L'archivar recumonda dals 28.05.2002.

Nov tunnel da l'Alvra suenter passa 100 onns

Suenter passa 100 onns è il tunnel da l'Alvra en in nausch stan. La Viafier retica stat il 2010 avant la dumonda: sanar il tunnel vegl ni construir in nov tunnel sper il vegl? La Viafier retica sa decida da construir in nov tunnel.

Legende: Video In nov tunnel per il tschancun da l'Alvra abspielen. Laufzeit 02:23 Minuten.
Or da L'archivar recumonda dals 06.04.2010.

Preparaziuns per il nov tunnel da viafier a l'Alvra

Suenter che la Viafier retica ha decidì da construir in nov tunnel per il tschancun da l'Alvra entschaivan il 2014 las lavurs preparativas. Il Telesguard rapporta da las emprimas siglientadas per il nov tunnel.

Legende: Video Preparaziuns per il nov tunnel da viafier a l'Alvra abspielen. Laufzeit 04:08 Minuten.
Or da L'archivar recumonda dals 02.12.2014.

La construcziun dal nov tunnel da l'Alvra entschaiva

Di da festa la fin d'avust 2015 per la Viafier retica. Las lavurs per il nov tunnel da l'Alvra pon entschaiver. Il Telesguard è al lieu cura che las lavurs al portal dal nord dal tunnel vegnan instradadas.

Legende: Video La construcziun dal nov tunnel da l'Alvra entschaiva abspielen. Laufzeit 07:28 Minuten.
Or da L'archivar recumonda dals 31.08.2015.

Difficultads geologicas tar la construcziun dal nov tunnel

Suenter in onn da construcziun vid il nov tunnel da viafier da l'Alvra datti problems geologics. Il miniers fruntan sin ina zona cun material instabil, numnada «Raibler-Rauwacke». Cun metodas da lavur extraordinarias vegnan dentant era quels problems schliads. Il Telesguard rapporta en dus films da questa particularitad per la construcziun dal tunnel d'Alvra.