Siglir tar il cuntegn
Inhalt

Archivar recumonda Il mises – Il pli bel lieu dal mund

En rumantsch datti divers nums per ils mises. Ils da Domat discurran dals culms. En il Grischun Central è il pled acla derasà. Ils Ladins han ils prümarans ed ils Sursilvans van si mises.

Vacanzas si mises.
Legenda: Per blers il pli bel lieu dal mund: Vacanzas si mises. Keystone

La midada dal diever dals mises - pli baud ed oz

Pli baud gievan ils purs surtut si mises per chaschar e far fain. Cun las midadas structuralas en l’agricultura èn quai ozendi praticamain tempi passati. Il diever dal mises è sa midà. Las tegias da mises èn fitg tschertgadas. Ellas dattan suttetg ozendi a blers per passentar il temp liber e per far vacanzas. Magari cun tut il luxus ch’ins ha era a chasa sco televisiun, duscha e stgaudament electric. Blers mises èn era vegnids transfurmads en tegias da chatscha. E bleras tegias èn schizunt accessiblas l'enviern.

Per exempel per cun skis.
Legenda: Mises accessibel era l'enviern. Per exempel cun skis. Keystone

Documents da televisiun sur da la vita si mises ier ed oz

La Televisiun Rumantscha ha adina puspè realisà films cun il tema mises. Per exempel ina tegia entadim la val Lumnezia a Vanescha che vegniva anc duvrada per chaschar. Plinavant mises che vegnan occupads durant la stad per far vacanzas.

Ed il pli nov en il 21avel tschientaner: las aclas modernas ad Oberurmein che vegnan laschadas a fit sin la Mantogna sco resort da vacanzas stad ed enviern.

Documents da radio sur dal viver pli baud si mises

Tuscha Barandun da Veulden aveva raquintà il 1962 en il Radio Rumantsch co noss tats e basats gievan a culm. E Georg Candinas aveva raquintà avant 25 onns co el passentava il temp da stad si mises en val Tenigia.