Colliaziun interchantunala dal Grischun
Il nord ed il sid dal Grischun han survegnì cun il tunnel dal San Bernardino ina colliaziun directa per tut l’onn. Prominenza da l’entira Svizra era stada preschenta a las festas d’inauguraziun avant 50 onns. Il balcun tort da la Televisiun Rumantscha aveva rapportà da l’avertura dal tunnel ed era infurmà davart l’istorgia ed il svilup da la via dal pass dal San Bernardino.
Lavurs da sanaziun vid il tunnel dal San Bernardino
Il traffic sin via è creschì fitg ferm ils davos decennis. Enormamain augmentà è era il traffic da camiuns. La consequenza: las emprimas lavurs da sanaziun dal tunnel dal San Bernardino ston vegnir fatgas 25 onns suenter l’avertura. Las lavurs da sanaziun cuzzan dal 1992 fin il 2007. La Televisiun Rumantscha ha adina puspè rapportà da la sanaziun dal tunnel dal San Bernardino.
Tunnel dal San Bernardino puspè fit per ils proxims decennis
Las lavurs da sanaziun dal tunnel dal San Bernardino èn s’extendidas sur 15 onns. Il 2007 èn las lavurs idas a fin. Exact 40 onns suenter l’avertura dal tunnel il 1967. La festa era vegnida accumpagnada dal Telesguard.
Reportascha da radio 1977 al giubileum da 10 onns Tunnel dal San Bernardino
L’onn 1977 era il tunnel dal San Bernardino dapi 10 onns en funcziun. E gia lura charrava quatter giadas dapli traffic atras il tunnel che quai ch’era vegnì prognostitgà. Il redactur da radio Ernst Denoth aveva realisà ina reportascha al lieu.
50 onns San Bernardin - il tunnel che collia e separa
Co è stà il svilup ils davos 50 onns cun il nov tunnel dal San Bernardino? Davart l'avertura, la speranza, il giubileum e la bilantscha dal tunnel rapporta La Marella 50 onns suenter.