L’usit e la tradiziun da Son Niclà

Son Niclà è in dals sontgs ils pli enconuschents da la baselgia catolica. La legenda sa basa sin l’uvestg Niclà da Mira che viveva en ina claustra enturn l’onn 300 en il sidvest da la Tirchia dad oz. El duai avair repartì ses possess sin ils paupers.

L'um cun la barba lunga ed il mantel cotschen: San Niclà. Bild in Lightbox öffnen.

Legenda da maletgs: L'um cun la barba lunga ed il mantè cotschen: Son Niclà. Keystone

En il mund cristian vegn Son Niclà festivà ils 6 da december. En bleras vischnancas va l’um sontg cun sia suita da chasa tar chasa per visitar uffants e creschids. Entadim la Val Lumnezia aveva la Televisiun Rumantscha filmà ils 2004 il Sontgaclau durant sia visita en ina ustaria.

Il Sontgaclau sin visita en ina ustaria a Lumbrein

1:52 min, L'archivar recumonda dals 6.12.2004

«  Car Sontgaclau, dad esser ina pulita hai jeu sespruau, mo quei has ti bein emblidau.  »

Confess d'ina mattatscha
da Lumbrein

Son Niclà gida a schliar problems da famiglia

Il Son Niclà è surtut in ami dals uffants e da las famiglias. El porta regals a chasa per ils uffants. En il Surmeir aveva el gì l’onn 1972 anc in’autra incumbensa: schliar problems da famiglia. Il balcun tort da la Televisiun Rumantscha aveva inscenà ina visita dal Son Niclà tar ina famiglia ch’aveva uffants che rebellavan.

Laschar ir video «San Niclà intermediescha tar problems da famiglia»

Son Niclà intermediescha tar problems da famiglia

21 min, L'archivar recumonda dals 10.12.1972
«  Pertge rebellescha la giuventetgna? Ella tschertga la finamira da la vita.  »

Filosofia dal
Son Niclà

Tgenin è il vair Son Niclà?

Quai che dat en egl magari schizunt als uffants: i na dat betg mo in Son Niclà, mabain plirs. Els sa differenzieschan era cun lur vestgadira. Ma tgenin è propi il vair? Quai avevan ils Cuntrasts da la Televisiun Rumantscha empruvà dad eruir il 2003 a Glion.

Tgenin è il vair Son Niclà?

5:43 min, L'archivar recumonda dals 7.12.2003

«  I dat mo in Sontgaclau. Jeu hai denton plirs vestgius cun differentas colurs. »

Sontga Nicola
da Glion

Difficultads da pudair mantegnair l’usit da Son Niclà

Blers usits en vitgs e vischnancas èn ids a perder ils davos decennis. Tar l’usit da Son Niclà èsi pli e pli problematic da chattar persunas che vulan giugar la figura sontga. Da l’autra vart è era la dumonda suenter il Son Niclà tschessada ils davos onns. Il Telesguard aveva purtretà il 2016 duas vischnancas nua che l'interess per il Son Niclà è tschessà ils davos onns: Sent e Mustér.

L'interess per il Son Niclà è tschessà

2:36 min, L'archivar recumonda dals 6.12.2016

«  L’interess per il Son Niclà è tschessà radical ils davos onns. »

Dominic Venzin
president giuventetgna Raveras, Mustér

Versets e chanzuns da Son Niclà

Bleras regurdientschas da pli baud dal Son Niclà stattan en connex cun ils versets che vegnan recitads dals uffants. Plinavant regordan era las chanzuns per il Son Niclà enavos en il temp d'’uffanza. Il Radio Rumantsch aveva laschà recitar il 1970 uffants da las differentas regiuns rumantschas poesias per il Son Niclà. Plinavant avevan ils uffants chantà chanzuns tradiziunalas per l’arrivada da Son Niclà.

«  Sontgaclau vegn bim bim bim, Sontgaclau vegn cun stgalin. Cun piziultas e biscuits, pils affons che fan pulit. »

Verset sursilvan
pil Sontgaclau