Siglir tar il cuntegn
Inhalt

Archivar recumonda La batgaria da chasa - ina tradiziun che svanescha pli e pli

Blers enconuschan la batgaria da chasa sco «menu» da november en las ustarias. I deva dentant anc in'autra batgaria da chasa. Numnadamain la tradiziun ch'il mazler da schurnada gieva a chasa tals purs a mazzar. Las leschas e reglas d'igiena han dentant tant sco liquidà quella moda da far meztga.

Dus mazlers da schurnada raquintan

Antruras na faschevan ils mazlers da chasa betg in vair emprendissadi. Ils interessads per quella lavur accumpagnavan in mazler pli vegl e guardavan co quel fascheva la lavur. Quai han era Sigisbert Caminada da Vignogn e Casper Antoni Capeder da Nussaus fatg da lur temp. En l'agricultura dals 3 da mars 1991 raquintan els da quels fatgs e da lur «aventuras» sco mazler da chasa.

En 18 unviarns hai jeu mazzau silmeins 400 pors per unviern...
Autur: Sigisbert CaminadaMazler da chasa

Meztga tar ils Mathiuets a Cumpadials

Per part gievan ils mazlers pli baud a chasa tar ils purs a mazzar ils portgs. Auter era quai tar ils Mathiuets da Cumpadials. Ils purs vegnivan cun lur portgs tar il mazler. Bertilla Giossi ha accumpagnà Flurin e Luis Mathiuet durant la meztga d'in portg. Da la meztga d'antruras raquintan Ursulina Netzer-Spinatsch e Battista Netzer.

Legende: Video La batgaria da chasa a Martina abspielen. Laufzeit 06:24 Minuten.
Or da L'archivar recumonda dals 06.01.1991.

Batgaria da chasa a Martina

Per far la batgaria da chasa èsi da guardar sin differentas chaussas - tranter auter sin ina buna ensaina - numnadamain quella da la stadaira. Quai han ins fatg a Martina ed il film da la Svizra Rumantscha mussa las lavurs dal batger da schurnada dal sajettar il portg sur far brassads e cotlettas fin al far liongias.

Legende: Video La tschaina benedida en onur dal portg mazzà abspielen. Laufzeit 03:03 Minuten.
Or da L'archivar recumonda dals 22.11.2008.

La tschaina benedida en onur dal portg mazzà

Suenter la lavur il plaschair - amis, vischins e confamigliars eran envidads a la tschaina suenter la batgaria da chasa. Quella tradiziun va dentant pli e pli a perder sco la batgaria da chasa era – a Guarda vegn quella tradiziun anc tgirada. Il film dal Telesguard mussa quella tschaina dentant era co Jachen Schlegel prepara la charn, fa liongias, cotlettas e brassads

Quai d'eira üna festa potenta ed uossa ingün nu fa plü quai.
Autur: Not SchlegelBos-cha
Legende: Video Batgaria da chasa a Lumbrein abspielen. Laufzeit 05:10 Minuten.
Or da L'archivar recumonda dals 30.11.2010.

La meztga da chasa a Lumbrein

Liongias da sang, da tartuffels ubain da coier da l'agen portg - quai datti sch'ins fa batgaria da chasa. Oz èn quellas ina raritad. Il film dal Telesguard mussa la batgaria da chasa d'antruras ad Andiast dentant era quella ch'i dat anc oz a Lumbrein. Quai dal sbuglir las zaidlas sur tagliar dapart il portg fin a far liongias.