Usits da bara
Il Radio Rumantsch ha adina puspè tematisà la mort ils davos decennis. En ina emissiun dal 1977 eran Ernst Denoth e Pieder Simeon ids suenter als usits da bara dal Grischun.
En il 16avel tschientaner han las cruschs da fier remplazzà las cruschs da lain sin il santeri.
Malencurada
Perder in concarstgaun fa mal. Surtut ina persuna en famiglia ni ina persuna che stat fitg datiers. Co ir enturn cun la malencurada, cun il led? Quai è stà il tema en ina emissiun dal Radio Rumantsch il 1980.
La saira suenter in lung di da lavur è la dunna sesida giu ed è morta. Quai è stà per mai ina greva ura.
E ti daventas tschendra
Tuts e tuttas ston bandunar baud ni tard il terrester. Il redactur Arnold Rauch aveva accumpagnà 1989 differentas persunas ch’èn confruntadas di per di cun la mort. In medi, ina tgirunza en in ospital, in chavafossas ed in um che procura per las formalitads ed ils utensils per sutterrar ils morts.
Igl è fitg impurtant per ils confamigliars, ch’els pon vesair il mort.
Ord chasa cun ils morts
Avant onns restava la bara a chasa tar ils confamigliars fin a la sepultura. Quels uravan per il trapassà avant d'accumpagnar quel a la fossa. Il Radio Rumantsch ha realisà 1993 ina emissiun cun persunas che sa regurdavan anc da las ceremonias da la mort fin al funeral.
Il temp avant che la bara bandunava la chasa era adina insatgi che vegliava per il mort.
Viver cun ils morts
Els vivan cun la mort: il chavafossas, il medi e la tgirunza. Il Telesguard ha accumpagnà els a lur plazs da lavur 1998. Sin santeri, en l’ospital e durant il transport da la bara.
---------------------------------------------------------------------------------
Archivar recumonda 2017:
Numnasontga e di da las olmas – In mument da regurdar ils morts.
Cliccar quà
RR actualitad 11:45