La Schlitteda - atmosfera chauda sin fund d'enviern fraid ed alv

L'attracziun turistica dad oz, cunzunt en Engiadin'Ota, va enavos sin ina veglia tradiziun dals giuvens pèrins empermess u in spe.

Sursiglir cuntegn supplementar

«La Schlitteda»

  • Oriundamain envidava in giuven sia giuvna sin sia schlitta cun chaval. Al return envidava la giuvna ses giuven a tschaina.
  • Ozendi fan part era maridads ed uffants, ed i finescha cun ina festa communabla cun trais-cha – in saut.
  • L'usit è preschent oravant tut a Puntraschigna, Champfér, San Murezzan e Samedan – mo er en l'Engiadina Bassa.

Cuntrari ad oz gievan pli baud sulettamain giuvens cun ina giuvna u lur spusa en schlitta d’in vitg a l’auter. Uras allegraivlas cun spaisas, bavrondas e saut enramavan sco anc oz la festivitad. Uschia era a Sent l'onn 1980, nua che giuvens e giuvnas han laschà reviver «La Schlitteda» originala ed oriunda.

Telesguard

3:11 min, dals 12.1.1980

En il decurs dal temp ed en tscherts lieus han cumenzà a sa participar er pèrs maridads e schlittas cun uffants. Per ils pitschens fan lur camarats pli vegls gugent da chaval sco qua a San Murezzan.

Laschar ir video «Tagesschau»

Tagesschau

1:41 min, dals 29.2.1964

La pareta bella e festiva è in element central da la Schlitteda. Sa vestgir bain en costum dovra temp.

Laschar ir video «La schlitteda engiadinaisa»

La schlitteda engiadinaisa

1:14 min, L'archivar recumonda dals 27.2.1994

Betg main festivas e per part maiestusas sa preschentan er tschertas schlittas.

Usits vegls han oz puspè conjunctura, betg il davos tar la generaziun giuvna. È l’existenza da la Schlitteda pia garantida per l’avegnir? Ch'i saja la midada dal clima u betg, en l'absenza da l'element fundamental per la Schlitteda, numnadamain la naiv, han giuvens a Champfér demussà pragmatissem e flexibladad cun applitgar lur plan B.

Laschar ir video «Telesguard»

Telesguard

2:07 min, dals 20.1.2007

RR actualitad mezdi 11:00