Siglir tar il cuntegn

Header

Troccas: mund, nar e bagat
Legenda: Troccas: mund, nar e bagat Foto: Flavio Huonder
cuntegn

L'archivar recumonda Mund, nar e bagat – il gieu da troccas

Il gieu da troccas fascinescha giuven e vegl. El vegn surtut dà en Surselva. Adina puspè vegnan organisads turniers da troccas. Ina giada ad onn datti il campiunadi grischun da troccas. Las reglas da dar troccas varieschan magari da vitg tar vitg.

Tge far durant in di da malaura? Savens s’inscuntravan ins pli baud en l’ustaria per dar in scart troccas. Quai eran ils temps, cura ch’ins pudeva anc fimar brissagos e parisiennes en locals publics. Il Telesguard ha rimnà il 1982 insaquantas impressiuns dals trochists en in’ustaria a Rabius.

Video
Dar troccas en l’ustaria dal vitg
Or da L'archivar recumonda dals 02.10.1982.
laschar ir

Dar troccas – in gieu per giuven e vegl

Durant il dar troccas èn ils giugaders cun corp ed olma vi dal gieu. In u l’auter auza magari schizunt la vusch, dentant senza malart. Il gieu da troccas è in gieu plaschaivel ed interessant. Durant il tschintschar vegn magari era ditg tschagulas. Il gieu mantegn la buna memoria e promova il contact tranter giuven e vegl.

E nua vegnan las cartas da troccas producidas? Ils Cuntrasts da la Televisiun Rumantscha ha visità il 1996 la manufactura a Schaffusa e discutà cun ils trochists davart lur fascinaziun dal gieu.

Video
Dar troccas – la producziun da las cartas
Or da L'archivar recumonda dals 27.10.1996.
laschar ir

Las reglas da dar troccas

Las troccas èn partidas en 4 colurs: bastuns, spadas, rosas e cuppas. Vidlonder vegnan las 21 troccas, ils trumfs. Ed in ch’ins na dastga betg emblidar: la carta da joker, il nar.

Explicaziuns davart il gieu da troccas avevi dà en l’emissiun Cuntrasts il 2005:

Video
Las reglas da dar troccas
Or da L'archivar recumonda dals 06.02.2005.
laschar ir
Cura quater ein ensemen che capeschan bein il giug, gleiti ein els lu perina, giogan troccas ch’ei dat fiug.
Autur: Anton TuorAnnalas 1898

Tarot – leger ord las cartas

Troccas è il pled per il gieu da troccas. Sch’ins discurra da tarot, lura vai per leger ord las cartas. Per exempel l'agen destin u tge ch'il futur porta. Cardientschas blauas u betg? A quella dumonda aveva Anna Ratti dà pled e fatg en l’emissiun Scuntrada dal Radio Rumantsch il 1993:

RR actualitad 11:00