Siglir tar il cuntegn
cuntegn

Archivar recumonda Scuntradas Rumantschas

Ils davos dus decennis dal millenni vegl ha la Lia Rumantscha organisà mintga 3 onns Scuntradas Rumantschas en las differentas regiuns dal Grischun. L’emprima da quellas sentupadas è stada 1985 a Savognin, la davosa l’onn 2000 en Engiadin’Ota.

Scuntradas Rumantschas
Legenda: La clav sco simbol Scuntradas Rumantschas RTR

L’emprima Scuntrada 1985 a Savognin

Quai n'hai anc mai dà: in inscunter popular interrumantsch. La Lia Rumantscha vul unir la Rumantschia sur ils cunfins idiomatics ed organisescha l'emprima Scuntrada Rumantscha en il cor dal Grischun. Il Telesguard rapporta da Savognin.

Legenda: Guardar il video Scuntrada Rumantscha 1985 Savognin. Durada 15:28 minutas.
Or da L'archivar recumonda dals 17.08.1985.
Nus vulain engraziar a las generaziuns dals trapassads per la tgira da nossa lingua e da nossa cultura.
Autur: Toni CantieniPresident da la Lia Rumantscha

La segunda Scuntrada 1988 a Scuol

La segunda Scuntrada Rumantscha maina ils interessents da la quarta lingua svizra en l'Engiadina Bassa. Il Telesguard mussa Scuol che sa preschenta da sia meglra vart cun folclora e cun concerts da rock da bands rumantschas.

Legenda: Guardar il video Scuntrada Rumantscha 1988 Scuol . Durada 14:44 minutas.
Or da L'archivar recumonda dals 13.08.1988.

La terza Scuntrada 1991 a Laax

Suenter il Grischun Central e l'Engiadina maina la proxima Scuntrada Rumantscha a Laax en Surselva. In team da Telesguard rapporta.

Legenda: Guardar il video Scuntrada Rumantscha 1991 Laax. Durada 15:25 minutas.
Or da L'archivar recumonda dals 10.08.1991.
Cun scuntradas mintga 3 onns sains buc mantener il romontsch. Per che nus fetschien neginas illusiuns.
Autur: Bernard CathomasSecretari general da la Lia Rumantscha

La quarta Scuntrada 1994 en Val Schons

La quarta Scuntrada Rumantscha da la Lia Rumantscha renda onur ad in dals pli pitschens idioms rumantschs: il sutsilvan. Ella vegn organisada en ils vitgets da la Val Schons. Gist duas squadras da la Televisiun Rumantscha rapportan: il Telesguard e Svizra Rumantscha.

Legenda: Guardar il video Scuntrada Rumantscha 1994. Durada 06:01 minutas.
Or da L'archivar recumonda dals 10.10.1994.
Legenda: Guardar il video Scuntrada Rumantscha 2 Val Schons. Durada 07:28 minutas.
Or da L'archivar recumonda dals 16.10.1994.

La tschintgavla Scuntrada 1997 a Domat

La tschintgavla Scuntrada Rumantscha vegn organisada al cunfin linguistic a Domat en l'aglomeraziun da Cuira. Sco l'emissiun Svizra Rumantscha rapporta è Domat ina vischnanca che cumbatta per il mantegniment dal rumantsch.

Legenda: Guardar il video Scuntrada Rumantscha 1997 Domat. Durada 20:49 minutas.
Or da L'archivar recumonda dals 24.08.1997.
Ils scribents dueien calar da dir la verdad. Els dueien dir las dretgas manzegnas.
Autur: Flurin SpeschaScrivent

La sisavla Scuntrada 2000 en l’Engiadin’Ota

La davosa Scuntrada Rumantscha organisada da la Lia Rumantscha fin qua è stada preschenta en las vischnancas da Zuoz, Samedan, Schlarigna e Puntraschigna en l’Engiadin’Ota. L'emissiun Svizra rumantscha dat ina survista.

Legenda: Guardar il video Scuntrada Rumantscha 2000 Engiadin'Ota. Durada 25:04 minutas.
Or da L'archivar recumonda dals 27.08.2000.