Siglir tar il cuntegn

Header

cuntegn

L'archivar recumonda Woodstock en il Grischun - il pli grond ed il pli vegl

Insaquants onns suenter Woodstock è la mania da giudair musica da rock sut tschiel avert era rutta ora en il Grischun. Dus da quels open airs tutgan tar ils pioniers: l’Open Air Lumnezia en Surselva ed il Chapella Open Air en l'Engiadina.

Open Air Lumnezia e Chapella èn naschids cun bler idealissem

Entschiet han omadus open airs sin iniziativa d'insaquants giuvenils e sut cundiziuns mudestas ils onns 80 dal tschientaner passà. Per bleras gruppas rumantschas sco era da l'ulteriur Grischun eran ed èn ils dus open airs ina buna plattafurma da pudair sa preschentar a la publicitad. Senza voluntaris n'avessan ils open airs dentant mai pudì exister uschè ditg. Ils dus open airs Lumnezia e Chapella èn entant sa sviluppads a moda fitg differenta.

Chapella Open Air

L’open air a Chapella è vegnì realisà l’emprima giada il 1981. Chapella è il num d’ina fracziun da la vischnanca da S-Chanf en Engiadina Ota. Il festival vegn organisà amez la natira alpina. La tribuna vegn installada gist sper la baselgia da Chapella. Ils visitaders sa chattan tranter prada e guaud.

Chapella
Legenda: Chapella Open Air: Tendas tranter prada e guaud. ANR, J.Duschletta

Sper la musica ch’è l’element principal da l’open air Chapella vegn era purschì ina infrastructura per campers e surtut per famiglias cun uffants. Tar insiders vala il festival da musica sco open air da cult.

Quest onn avra l’open air Chapella sia portas l’emprima fin d’emna d’avust per la 35avla giada.

Open Air Lumnezia

Mintgamai il fanadur vegn organisà a Degen l’Open Air Lumnezia. Da sias uras il 1985 era l’emprim open air en Lumnezia anc vegnir fatg sur Vattiz si Davos Munts avant 700 visitaders. Ozendi visitan onn per onn da quai da 13’000 fans l’Open Air Lumnezia.

audio
L'open air Lumnezia cun difficultads finanzialas
ord RTR Audio dals 16.06.2016.
laschar ir. Durada: 2 minutas 56 Secundas.

Il 2008 hai dà ina fasa da crisa tar l’Open Air Lumnezia. Igl event ha scrit cifras cotschnas. Claudine Cavegn dal comité d’organisaziun aveva dà pled e fatg a Paula Nay en il Radio Rumantsch:

Artitgels legids il pli savens