Il chant dals utschels ha diversas funcziuns biologicas: el serva per sa dar d'enconuscher, ils mastgels sa segireschan uschia lur reviers e las femnas audan sch'il chantadur è in indigen u betg.
Tut tenor utschè è il syrinx, l'organ ch'els dovran per furmar tuns, equipà cun musculs differents. Interessantamain ha il corv in organ da vusch pli cumplex sco quel d'in papagagl.
Il Forum preschenta il chant da differents utschels sco era la musica da cumponists sco Händel, Poglietti u Beethoven che han surtut elements dal chant d'utschels per lur ovras musicalas.
