Uss che las chauras èn puspè turnadas da Berlin ans dumandain nus tge che quests animals muntan per nus. Dumestitgadas dapi millieras dad onns èn ellas arrivadas tar nus da l'orient avant circa 10'000 onns.
Mintgatant capita quai che l'ina u l'autra chaura na va betg cun il buc mabain cun il capricorn e quai è pussaivel perquai ch'els èn parentads. Chapriziusas èn ellas era, sco la chaura da sar Barduot che sfida il luf l'entira notg. Ils chavrers gievan en roda tar ils purs.
Forsa è quai la raschun ch'esser chavrer signifitga era dad esser in Don Giovanni – midar da chasa en chasa. Il chavrer da Scuol turnava mintga saira giu da Jonvrai cun ses triep da passa 400 chauras. Ed il chavrer da Vigliuz scuvra sia avaina artistica durant sia lavur.
