Il forum 2007-2008 - Il mitus da la chatscha libra - part 2

Ils Grischuns tgiran e cultiveschan il mitus da la chatscha libra. Dentant datti quella pir dapi var 130 onns. L'istoricher Adolf Collenberg fa in viadi tras l'istorgia da la chatscha grischuna: il mitus dals 9 da settember e dals gronds chatschaders grischuns. En questa segunda part preschenta el tranter auter er insatgs ord la mitologia, la litteratura e la chanzun populara rumantscha. La chatscha era gia per ils vegls Grischuns actuala durant tut l'onn.