L’evoluziun tras selecziun è la basa da la teoria da Charles Darwin. Mo funcziuna questa selecziun e suenter tge princips vain selecziunà? Cuntrari a l'aspectativa as basa tut sin il princip dal per cas. Cun mintga copulaziun vain cumbinada l’infurmaziun genetica da nov.
Uschè datti regularmain novas variaziuns che pon avair nunspetgadamain grond success. Qua pudain pensar be al virus da Mexico ch'ans occupa actualmain. Tar animals pli sviluppads gioga il sex a la tscherna activa d’in partenari ina rolla decisiva. E co è sa sviluppà l’uman in quest sistem?