Siglir tar il cuntegn
Inhalt

Il forum 2009-2010 Ingeborg Bachmann rumpa las cunvenziuns

Tranter las vuschs poeticas dal 20-avel tschientaner è quella d’Ingeborg Bachmann ina da las pli remartgablas. Dal mument che ella è arrivada sco giuvna studenta da filosofia ord ses Klagenfurt a Vienna ha ella entusiasmà ses conturn.

Iso Camartin
Legenda: Iso Camartin RTR

Tranter las vuschs poeticas dal 20-avel tschientaner è quella d’Ingeborg Bachmann ina da las pli remartgablas. Dal mument che ella è arrivada sco giuvna studenta da filosofia ord ses Klagenfurt a Vienna ha ella entusiasmà ses conturn. Litterats sco Paul Celan, Max Frisch e Uwe Johnson eran ord chadeina cura ch'els realisavan la forza poetica en ils texts da la giuvna Bachmann. 1961 ha ella publitgà ses emprim cudisch cun prosa – ina prosa cun in flad poetic tut spezial. Il titel: Das dreissigste Jahr.

I sa tracta da 7 differents raquints che han in tema communabel: Co rumper il corset da las cunvenziuns? Buca mo cunvenziuns socialas, mabain era quellas da la lingua, gie schizunt quellas da laa sexualitad. En ina nova lingua e cun ina musicalitad mai udida ha ella dessignà ils sforzs che ins sto far per sentir il flad da la libertad en ina vita ch'avess da tegnair quai ch'ella empermetta.