Siglir tar il cuntegn
cuntegn

Il forum 2011-2012 Davent cun las cruschs?

Simbols religius chaschunan dispitas. Ussa vegn era la crusch sut squitsch. Sto il crucifix svanir ord las stanzas da scola?

Clau Lombriser
Legenda: Clau Lombriser RTR

Disturba ina crusch in nuncartent u ina persuna d’autra confessiun? Èsi da demontar las cruschs sin noss culms e stuain nus schizunt remplazzar la bandiera svizra? Blers èn da l’idea che ina crusch saja in simbol tipicamain cristian.

La crusch è dentant in segn universal e sco simbol pli vegl che la religiun cristiana. La crusch è ina sort cumpass che mussa ensi, envi, ennà ed engiu, ed entaifer quellas quatter dimensiun sa splega tut la vita.