Siglir tar il cuntegn
cuntegn

Il forum 2011-2012 Heinrich Bansi (1754-1835)

“Fitg agens, chaprizius e senza nagina fantasia”, uschia caracterisescha Heinrich Bansi ils abitants da l’Engiadina auta.

Adolf Collenberg
Legenda: Adolf Collenberg RTR

Durant ils scumbigls enturn il 1800 fa il reverenda engiadinais carriera en l’armada franzosa e organisescha sco agent secret la spiunascha en Grischun. En ses tractat “Volk, Sitten und Gesetze eines Gebirgsthals in Graubünden”, dà el in egliada critica sin ses cumpatriots, las Engiadinaisas cun lur vuschs gizzas ed el ans tradescha il recept per “capuns balla da chanun”.

Heinrich Basi è in dals pli interessants reverendas, revoluziunars e politichers da ses temp.