Siglir tar il cuntegn
cuntegn

Il forum 2011-2012 Il Vorarlberg rumantsch

Ils cunfins politics e linguistics èn instabels. Tge che oz è a l’ester era magari ina giada in’unitad.

Adolf Collenberg
Legenda: Adolf Collenberg RTR

Istoricamain e linguisticamain ans collia bler cun noss vischins en il nordost. Il linguatg roman-rumantsch ha marcà per tschientaners la Val dal Rain songagliaisa, il Principadi da Liechtenstein ed il Vorarlberg.

Quest’istorgia communabla cun nus Rumantschs e Ladins è pauc enconuschenta, era sche ella s’extenda sur var 1500 onns ed ha laschà enavos ses fastizs linguistics en questas regiuns enfin oz. L’istoricher Adolf Collenberg sa metta als fastizs d’in istorgia pauc enconuschenta.