Siglir tar il cuntegn
cuntegn

Il forum 2011-2012 Jenufa da Leos Janacek

Jenufa spetga in uffant da Steva, e quai avant che esser maridada. Quai è ina gronda vargugna en las relaziuns serradas dal vitg moravian.

Iso Camartin
Legenda: Iso Camartin RTR

La madrigna da Jenufa, la calustra Buryakova, crai ch'i saja meglier da laschar turnar l'uffant suenter sia naschientscha puspè tar il Segner. Perquai najenta ella il pitschen en il lai dal vitg. La bara vegn chattada dus mais pli tard e la dunna confessa ses malfatg. Jenufa percunter, disfigurada entras in accident, chatta en Laca in partenari per ina nova vita.

Leos Janacek ha lavurà quasi 10 onns vi da questa opera rusticala. Suenter decennis da lavur senza renconuschientscha ha gist l’opera Jenufa la fin finala avert las portas al success merità da quai cumponist ch'è grazia a ses idiom musical senza paregl en la musica dal 20avel tschientaner.