Siglir tar il cuntegn
cuntegn

Il forum 2011-2012 Remo Fasani – il poet vischin nunenconuschent

Avant bunamain in mais è mort il poet Remo Fasani a Grono en la Val Mesolcina. El era naschì il 1922 en ina famiglia da purs, aveva frequentà il seminari da magisters a Cuira, studegià linguas romanas ed è daventà scolast da talian a Cuira.

Chasper Pult
Legenda: Chasper Pult RTR

Dal 1962 al 1985 è Remo Fasani stà professer da litteratura taliana a l’universitad da Neuchâtel. I dat blers poets en il Grischun triling, ma darar èn els enconuschents sur ils cunfins linguistics. Donn! Pertge Remo Fasani è sa deditgà cun grond interess a la poesia rumantscha ed ha mussà che Peider Lansel ha introducì la metrica taliana en la poesia rumantscha.

Varsaquantas da sias poesias èn deditgadas a l’Engiadina. Lain scuvrir noss vischin, almain suenter sia mort!