Siglir tar il cuntegn
cuntegn

Il forum 2011-2012 “Sajas indignads!”

Il diplomat franzos Stéphane Hessel ha scrit in cudeschin cun il titel “Sajas indignads!”

Chasper Pult
Legenda: Chasper Pult RTR

Il cudesch ha gì in grond success e che è vegnì translatà en bleras linguas. El pretenda dapli engaschament en dumondas ecologicas e socialas, dapli accusaziun e denunzia e crititgescha surtut l'indifferenza che regna dapertut. Era tranter ils Rumantschs datti varsaquants che s’han indignads, cunzunt auturs en lur cudeschs.

L'indignaziun è stada la funtauna per stgaffir lirica e prosa. Per intgins è quella furma da protesta daventada perfin l'activitad centrala, sco per Armon Planta che è mort avant 25 onns.