Siglir tar il cuntegn
cuntegn

Il forum 2013-2014 Constantin il grond – l’emprim imperatur cristian

I ha durà 300 onns enfin che ils cristifidaivels da l’Imperi roman han survegnì il dretg da pratitgar libramain lur religiun.

Clau Lombriser
Legenda: Clau Lombriser RTR

Quai han els d’engraziar a l’imperatur Constantin il Grond. L’onn 313, pia exact avant 1700 onns, ha el relaschà “l’Edict da Milaun”, ina marca decisiva per las cuminanzas cristianas sparpagliadas en l’entir imperi.

A la fin da sia vita sa lascha Constantin battegiar, ed il cristianissem remplazza plaunsieu la religiun pajauna. Constantin e sia mamma, l’imperatura Helena, han fullà via a la cristianisaziun da l’Europa, cun tut sias varts suleglivas sco era sumbrivaunas.