Siglir tar il cuntegn
Inhalt

Il forum 2007-2008 Cults da fieu en Grischun

L’emprima sonda da curaisma van ils mats a Danis/Tavanasa e dumengia saira quels da Vaz Sut a trair schibettas.

Chasper Pult
Legenda: Chasper Pult RTR

Il tschaiver è passà – cun dapli u damain chalur… L’emprima sonda da curaisma van ils mats a Danis/Tavanasa e dumengia saira quels da Vaz Sut a trair schibettas. Questas rudellas da lain che ardan, sgolan tras la notg sco pitschens sulegls. Noss antenats crajevan che nus umans stoppian dar enavos il fieu al sulegl per che el turna danovamain e permetta da far ina buna racolta. Quel vegl cult è era ina tradiziun da fritgaivladad. Las mattas preparan las patlaunas e spetgan a gnir ils mats. Ma avant taidlan ellas bain bain sche lur nom accumpogna il sgol dad ina schibetta e tgi che cloma quel. En Grischun ha quista tradiziun survivì be en dus lieus. Autras vischnancas han però auters cults da fieu sco l’Hom strom a Scuol.