Gioachino Rossini è enconuschent per sia musica leva e divertaivla. L’ultima opera ch’el ha scrit – ses Guglielm Tell – è dentant plain da drama patetic e patriotic.
Betg coloraturas e bravuras virtuosas èn centralas, mabain surtut las scenas cun gronds “ensembles” – cun chors da confederads e schuldads dal Gessler. Las rollas dals protagonists èn fitg pretensiusas, l’opera dovra forzas excellentas per far plaschair a l’auditori.
Tuts enconuschan l’istorgia da noss Tell. Mo Rossini è sa lubì da prender sias atgnas libertads cun quest erox mitic. Tell viva en bleras furmas vinavant!
