Siglir tar il cuntegn

Il forum 2013-2014 L’entschatta da l’onn e la tradiziun

“Büman/Daniev” ans è anc en regurdanza. Ils Russ che han festivà tar nus l’onn nov han fatg quai tenor il chalender vegl.

Chasper Pult
Legenda: Chasper Pult RTR

“Büman/Daniev” ans è anc en regurdanza. Ils Russ che han festivà tar nus l’onn nov han fatg quai tenor il chalender vegl. Quest chalender valeva fin avant 200 onns era en bleras valladas protestantas dal Grischun. Ma per tuts arriva bainprest il favrer. E quel sto “fevregiar” – sco ch’ils Sursilvans din – cun naiv e bischa! Ed ils giats che fan l’amur “fan favrer”. Nus dentant regalain flurs il di da sontg Valentin. Quel è la cuntinuaziun d’ina festa precristiana che vegniva celebrada enturn ils 15 da favrer, pia vers la fin da l’onn roman.