Siglir tar il cuntegn
cuntegn

Il forum 2013-2014 Nagin’istorgia è innocenta

“Nagin’istorgia è innocenta. Tgi che quinta sa metta en privel. Tgi che tascha sa isolescha.”

Chatrina Gaudenz
Legenda: Chatrina Gaudenz RTR

Questas frasas marcantas sa chatta en il cudeschs: “Ta salva, la vita cloma”, da Boris Cyrulnik. Cyrulnik, nat il 1937 en Frantscha, ha sco uffant gidieu survivì la Segunda Guerra mundial mo cun gronda fortuna. Ses geniturs en vegnids deportads e mazzads.

Oz è Boris Cyrulnik neurolog e psichiater. Ses champ spezial è la resilienza, vul dir la capacitad d’in uman da tegnair ora e surviver situaziuns extremas senza rumper vidlonder. Daco han ils ins ina gronda resilienza ed auters betg? Cyrulnik va a maun da sia biografia en tschertga da respostas.

Indicaziuns bibliograficas:

Boris Cyrulnik: Sauve-toi, la vie t’appelle. Odile Jacob 2012.

Boris Cyrulnik: Rette dich, das Leben ruft! Ullstein 2013