Siglir tar il cuntegn

Il forum 2013-2014 Tutto bello – cronica d’ina vendetga

Il manual talian Domenica Formica sitta sin ils dus indigens Marcel ed Anton. Suenter fa el star ses ami sicilian Nunzio.

Gieri Venzin
Legenda: Gieri Venzin RTR

Sedrun, ils 13 da settember 1969: Il manual talian Domenica Formica sitta sin ils dus indigens Marcel ed Anton. Suenter fa el star ses ami sicilian Nunzio. A la polizia dat el a protocol ch’el haja mazzà per salvar sia honur e l’honur da sia famiglia.

Gieri Venzin ha fatg in film da quel cass criminal cun il titel: Tutto bello – cronica dad ina vendetga. En il forum dals 31 da mars 2007 raquinta el a las 12:30, co e pertge ch’el ha fatg quest film. El raquinta da las discussiuns animadas dals Tuatschins suenter ils mazzaments. Da las circumstanzas fatalas ch’han manà a quella tragedia e da l’emprim inscunter cun Domenica Formica en la Calabria – 38 onns suenter ils mazzaments a Sedrun.