Siglir tar il cuntegn
cuntegn

Il forum 2013-2014 “Vid la furtga cun el” – la paina da mort

Adina e dapertut sin il mund èn umans vegnids sentenziads a la mort, culpabels ed innocents. Tranter dad els er Jesus da Nazaret.

Clau Lombriser
Legenda: Clau Lombriser RTR

Ils ins èn vegnids stgavazzads, auters crucifitgads, encrappads, brischads, tissientads, najentads, pendids, fisilads. Dus terz da tut ils stadis han abolì la paina da mort, tranter quels era la Svizra.

Gnanc il delict il pli gravant lubescha da prender la vita ad in delinquent. Intgins dentant vulessan puspè metter en funcziun la furtga e la guillotina. Per la segirtad da la societad, dian els. Tenor la devisa: “egl per egl, dent per dent”.