Siglir tar il cuntegn
Inhalt

Il forum 2015-2016 Ils fugitivs ed il Grischun

Fugir. Gia il verb è interessant: tut ils idioms dovran il term «fugitiv». Ma en Sur- e Sutselva fugian els, en il Surmir «leppan» quels povers ed en Engiadina Bassa «mütschan» els.

Legende: Audio Il forum cun Chasper Pult abspielen. Laufzeit 30:11 Minuten.
30:11 min, Il forum dals 11.10.2015.

Ils trais verbs han derivanzas dal tuttafatg differentas.

Il tema dals fugitivs pertutga er nossa istorgia: Blers Grischuns èn stads fugitivs economics e l'emigraziun era savens ina necessitad. E durant ils Scumbigls grischuns han era Rumantschs stuì fugir per salvar lur vita. Ils Ughenots èn arrivads da la Frantscha fin en Grischun e pliras famiglias s'han integradas. Cunzunt durant la guerra èn fugitivs vegnids en valladas grischunas.

Toni Halter ed Oscar Peer raquintan da dus destins che mussan ch'i deva gia en quests temps solidaritad cun quellas persunas desperadas.