Siglir tar il cuntegn
cuntegn

Il forum 2015-2016 «Lain siglientar il chau a noss signurs!»

Ils ultims 10 onns da la Republica da las Trais Lias èn stads fitg agitads. Las turbulenzas han cumenzà 1789 cun ina seria da poesias satiricas or da la plima da Gieri Antoni Vieli

Legenda: Tadlar il audio Il forum cun Adolf Collenberg. Durada 30:00 minutas.
30:00 min, Il forum dals 15.03.2015.

Gieri Antoni Vieli ha provocà spirituals e seculars progressivs da la regiun Trun/Sumvitg. Quels han lura dà contra cun fieu e zulper. Il 1794 durant in enviern da fomaz han ils Lumnezians tegnì cumin e clamà cun success tut ils cumins e lias ad ina radunanza extraordinaria a Cuira. La finamira: far dretgira nauscha cun ils culpants da la miseria da stadi e societad.
Il Forum preschenta insatgs da la polemica e da l'atmosfera irritada da quests onns.