Siglir tar il cuntegn

Header

Navigaziun

Advent Nadal Bumaun
Legenda: Advent Nadal Bumaun MAD
cuntegn

L'archivar recumonda Advent, Nadal e Bumaun

L’advent ed ils dis tranter Nadal e Bumaun èn in temp plain usits ed activitads. Dis da star ensemen cun amis e famiglia per chantar, regalar, mangiar, urar e festivar. Ditg curt: avair in bun temp communabel.

Impressiuns da december

Il mais da december è, surtut per ils uffants, in temp magic. L’entschatta december arriva San Niclà, ed i entschaiva il temp d’advent fin Nadal. Ed era tranter Nadal e Bumaun datti numerus usits. Il Balcun tort dal 1974 dat ina survista da las activitads il mais da december.

Legenda: Guardar il video Il balcun tort 15-12-1974 Impressiuns december. Durada 16:44 minutas.
Or da L'archivar recumonda dals 15.12.1974.

Temp d'advent e Nadal a Pigniu

La vischnanchetta da Pigniu patescha sco bleras vischnancas grischunas da la depopulaziun. La fin da l’onn turna la giuventetgna dentant enavos en lur vitg nativ. Il film dal Balcun tort dat ina invista en la vita dal mintgadi 1972 a Pigniu.

Legenda: Guardar il video Temp d'advent e Nadal a Pigniu. Durada 12:51 minutas.
Or da L'archivar recumonda dals 31.12.1972.

L’istorgia da Nadal en il chant

La baselgia claustrala da Mustér dat ina culissa magnifica per il chor d'uffants cun sias chanzuns. Chantà e raquintà vegn l’istorgia da Nadal. Il Balcun tort mussa bels purtrets dal temp paschaivel enturn Nadal. Tranter auter la stalla da Betlehem, ils pasturs, la sontga famiglia ed ils anghels perlung las paraids da la baselgia claustrala.

Legenda: Guardar il video Chanzuns da Nadal. Durada 22:33 minutas.
Or da L'archivar recumonda dals 23.12.1973.

Ils usits enturn Nadal

La stalla da Nadal è vegnida introducida en las baselgias da Son Francestg. Il pignol da Nadal deriva d’in cult religius dals Germans. Quai vegn explitgà da Gion Peder Thöny en in’emissiun dal Radio Rumantsch 1956.

Nadal e Bumaun en Val Schons

Co vegniva festivà l’entschatta dal 20avel tschientaner Nadal e Bumaun en Val Schons? Sco Tumasch Dolf raquinta en l’emissiun Radioscola 1960 era la festa da Nadal surtut ina festa da la baselgia, ina festa per ils creschids. Pli tard è daventada la festa da Nadal ina festa per ils uffants.

Concert da Nadal

L'istorgia da Nadal, per ina giada betg legida ord la bibla, mabain preschentada cun chant e musica. Cumponì l'ovra musicala ha Gion Antoni Derungs. Il Balcun tort ha emess 1976 il concert. Chantà han il quartet dubel dal Grischun ed il chor d’uffants da Mustér.

Legenda: Guardar il video Concert da Nadal. Durada 22:21 minutas.
Or da L'archivar recumonda dals 19.12.1976.

RR actualitad 11:00